افرح" أول ما تفتح عنيك .. اقف ف البلكونة وقول للشمس صباح الخير
"افرح" وانت واقف علي عربية الفول وبتفطر...في ناس مقضياها شوربة خضار
..
"افرح" وانت بتجري عشان تلحق الاتوبيس ...في ناس هتموت وتمشي
...
..
"افرح" وانت مش فاهم حاجة ف المحاضرة...كفاية إنك دخلت الجامعة أصلآ
..
"افرح" وانت شايف بنت جميلة و نفسك بس تتعرف عليها ومش قادر...في ناس نفسها تشوف بس
..
"افرح" وانت جاي تكلم حبيبك وسمعت الصوت ده"عفوآ لقد نفذ رصيدكم"...وماله ، رصيد قلبك عمره ما ينفذ
..
"افرح" وانت حاسس إنك وحش اوي وكلك عيوب...يا بختك يا عم إنك عندك إحساس
..
"افرح" لما تروح بلليل و تلاقي ابوك بيقولك :كنت فين كل ده يا روح..........في ناس اتولدت يتيمة
..
"افرح" قبل ما تنام، افتكر حد ضحكلك أو حد فرحته ....مش هيجيلك كوابيس
السبت يناير 23, 2016 10:53 am من طرف نجوى نجوى
