مكالمه هامة للسيد الرئيس

(
فى احدى المناطق الراقيه يقطن الرئيس القادم هو واسرته الكريمه فى منزل
فاخر ) وفى اثناء صمت وقت الظهيره وكان السيد الرئيس القادم فى مكتبه يتطلع
الى ما ينوى فعله فى المستقبل .. واذ بجرس التليفون يقطع الهدوء فى المنزل
... تررررررن .. ترررررن .... ترررررن ..

تنده الست حرم السيد الرئيس القادم على خادمتها لتأمرها ان ترد على التليفون ... تسير الخادمه نحو التليفون وتمسك به وتتكلم :

الخادمه : توووو مااااه ه ه شوووو داااا ريووووو ( معلهش اصلها مش مصريه ولكنها فلبينيه ... هههههههههههه) ...

المتحدث
مكلما نفسه : ( ايه الحكايه هو انا طالب نمرة من الصين ولا ايه !!!! ) ثم
يستطرد حديثه نحو الخادمه : اجرى يا بنت اندهيلى سيدك البيه ...

الخادمه : جووووووو كااااااااااا رياااااااااااا شياه ه ه ه ترىىىىىى !!!!
المتصل : ( اه يظهر البنت دى مش مصريه .. طيب .. على بركة الله ) يو سبيك أربيك ؟؟
الخادمة : نوووووووو نووووووووووو نووووووووووو
المتصل : طيب خلاص متزقيش كده .. يو سبيك فرانسيس ؟؟؟
الخادمة : نووووووووووو نوووووووووووو نووووووووووو :
المتصل : هو انتى يا بنتى اللى طالع عليكى نو نو نو .. طيب .. يو سبيك انجليش ؟؟؟
الخادمه : اووه ييسس ...
المتصل : طيب الحمدلله .. ( بالانجليزيه ) اريد التحدث مع سيدك رب المنزل ..
الخادمه : اووك ..

( بعد بضعة دقائق يأتى السيد الرئيس القادم ويمسك بسماعة التليفون )

الرئيس القادم : الوو ... مين حضرتك .؟؟

المتصل : مش مهم يا باشا انا مين ولا اسمى ايه ده مش هيفرق معاك كتير .. المهم تعرف انا بتصل بيك ليه ..

الرئيس : طيب حضرتك بتتصل بيا ليه وعايز منى ايه ؟

المتصل : اريد ان اعطى لسيادتك نصيحه هامه جدا جدا بما انك رئيس مصر القادم وستكون رئيسا لبلد عظيم مثل مصر اعانك الله علينا ..

الرئيس : وايه هى بقى النصيحه الهامه دى ؟؟؟!!!!

المتصل : اريد ان اقول لك اتق الله فى اولاد المسيح ( المسيحيين يعنى ) واياك ان تتبع اساليب من سبقوك لئلا يحدث لك ما حدث لهم ..

الرئيس مقاطعا المتصل : تقصد ايه حضرتك بالكلام ده ؟؟!!! احنه طول عمرنا اخوات وعايشين مع بعض فى سلام مسلمين ومسيحيين ...

المتصل
: لالالالالالا .. بلاش الكلام المعسول ده ... سمعناه كتيير اوى صدقنى حتى
اصبح مثل الاشعار المحفوظه وافلام الابيض واسود ... انت عارف كان فيه واحد
قبل منك اسمه انور السادات فى بداية لما مسك رئيس على مصر قال نفس الجمله
اللى سيادتك قلتها من شويه ان احنه اخوات وبناكل فى طبق واحد ومش عارف ايه
وايه والاسطوانه المحفوظه دى .. لكن تعرف سيادتك بعد شويه عمل ايه ؟؟؟؟

الرئيس : هيكون عمل ايه يعنى فى المسيحيين ؟؟؟!!!!

المتصل : حاجات بسيطه خالص ممكن اقولك بعض منها لو فيه عند سيادتك وقت تسمع ..

الرئيس : اتفضل قول يا فندم انا سامعك ..

المتصل
: فى سبتمبر 1978م أغتيل القس غبريال عبدالمتجلى كاهن كنيسه التوفيقيه
مركز سمالوط محافظة المنيا وفى ظل هذا التوتر وقع صدام كبير بين المسلمين
والمسيحيين مات على اثرها عدد كبير من المسيحيين وجرح منهم الكثيرين ونقلوا
الى المستشفيات ...ثم فى اول سنة 1979م حرقت كنيسة قصرية الريحان ومات على
اثر ذلك كثير من الاقباط ..وما بين سنة 1978 و سنة 1979 صدرت فتاوى من
كثيرين من الشيوخ تحلل قتل النصارى وتكفرهم وانتشرت منشورات تحض على
التعامل مع النصارى لانهم كفرة ويجوز محاربتهم وقتلهم ..

الرئيس : ياااااااااااااااه كل ده !!!!!

المتصل : اصبر يا باشا دى فيه حاجات تانى كتير ..

الرئيس : زى ايه تاااااااانى ؟؟؟

المتصل
: زى مثلا ما حدث فى مارس 1980 م وهو فى عدة مناطق ومنها محافظة اسيوط
وعلى اثر هذا التحريض قتل الكثيرين من الطلاب المسيحيين والمسيحيات ... وفى
منطقة القاهرة والزاويه الحمرا ذبحوا اكثر من 100 قبطى وكثيرين من الاقباط
قطعت شرايينهم بسبب رفضهم نطق الشهاده ( لا اله الا الله محمدا....... الخ
) والكثر والكثير من تلك الاحداث المشينه التى حدثت فى عهد السادات ...

الرئيس : طيب معقول كل الناس اللى عملو كده فى المسيحيين لم يعاقبوا ؟؟؟

المتصل
: عارف مين اللى اتعاقب يا باشا ؟!! المسيحيين .. تم القبض على اكثر من
230 شخص مسيحى واعتقلوهم بتهمة اثارة الفتنه وتفكك الوحده الوطنيه ....
ههههههههههههههههههه فعلا حاجه تثير الى الضحك ولكن ليس ضحك الفرح بل ضحك
السخريه يا رئيسنا القادم ..
الرئيس : وبعدين ايه اللى حصل اتفضل كمل ؟؟؟
المتصل
: ابدا يا باشا .. بعد كده لم يكف السادات عن اضطهاد المسيحيين بل والاكثر
من ذلك اعلن صراحة عن مدى حقده وكراهيته للمسيحيين فى مؤتمر اسلامى قال
بالفم المليان ( اننى سأجعل مصر دولة اسلاميه ومن لا يريد من المسيحيين
اعتناق الاسلام سأجعلهم ماسحى احزيه ) عارف يا باشا ايه اللى حصل بعد
الكلام ده بفترة قصيره ؟؟

الرئيس : ايه اللى حصل ؟؟؟

المتصل
: حاجه بسيطه خالص .. هناك عدالة السماء التى لا تنام ولا تتهاون مع من
يجرم .. هناك اله عظيم ( يدافع عن المظلوم ) بينما كان السادات فى وسط
حاشيته وفى قلب الامان والسلام فى وسط حارسيه .. فلم يكن نائما .. ولم يكن
يسير وحده فى قلب الزراعات ... بل كان فى وسط كل حاشيته واطلق عليه الرصاص
فى وسط وعلى مرئى ومسمع الجميع حتى على شاشات التلفزيون لانهم كانوا يزيعون
احتفاله بذكرى انتصارات اكتوبر .. وقتل السادات فى السادس من شهر اكتوبر
عام 1981م ومات ابشع ميتة وذهب الى ربه لينال عقابه الابدى لما فعله تجاه
اولاد المسيح ....

الرئيس : الله يرحمه ...

المتصل
: ويرحمنا جميعا يا سعادة الباشا ... ومش بس السادات ولكن جاء الرئيس محمد
حسنى مبارك من بعده ليرائس مصر .. والغريب برضو يا باشا انه فى بداية حكمه
قال نفس الجمله التى قالها ممن قبله واللى قلتها سيادتك من شويه ( ان احنه
اخوات وبناكل فى طبق واحد ونعيش فى وطن واحد ومش عارف ايه وايه .... الخ
والاسطوانه اياها المحفوظه ) لكن عارف بعد شويه حصل ايه ؟؟
الرئيس : حصل ايه ؟؟؟
المتصل : اسمع يا سيدى نبذه مختصره عن اضطهاد المسيحيين وكنيسه المسيح فى عصر عمنا حسنى مبارك ...
الرئيس : اتفضل قول وكمل كلامك انا سامعك ..
المتصل
: شوف يا باشا .. فى عام 1990 م اربعة حوادث بس فى عام واحد فى ( منفلوط –
ابو قرقاص – بولاق الكرور – ابو المطامير البحيره ) راح ضحية هذا العام 28
شخص قبطى وكاهن . واصيب عدد 68 شخص بأصابات بالغه قد تكاد تترك لهم عاهات
مستديمه وعدد 185 شخص بأصابات اخرى ...

الرئيس : يااااااااه كل ده ؟؟!!!

المتصل
: استنى يا باشا هو انا قولت حاجه لسه ده بس فى عام واحد .. اسمع بقى ...
فى عام 1991 م حادثة امبابه التى راح ضحيتها اكثر من 28 شخص قبطى .. وغى
عام 1992 م ثلاثة حوادث فى ( المنشيه باسيوط – قرية ويصا بديروط – طما )
وراح ضحية هذه الحوادث 31 شخص واكثر من 70شخص اصيبوا اصابات بالغه ...وفى
عام 1997م حرق كنيسة مارجرجس بالفكريه بابو قرقاص وراح ضحية هذا الحادث 9
اشخاص اقباط ... وفى نفس العام قامت مذبحة عزبة داوود المشهورة بنجع حمادى
.. وفى عام 1998 مذبحة الكشح بسوهاج وفى عام 2000 مذبحة الكشح الثانية
بسوهاج ايضا .. وفى 2002 حرق كنيسة العذراء بالمنيا وراح ضحيتها 14 قبطى ..
وفى 2003 مذبحة قرية جرزا بمركز العياط بالجيزه .. وفى 2006 حرق كنيسه
الاسكندريه وقتل المصليين اللذين كانوا بها .. وفى نفس العام قاموا بتهجير
15 عائلة مسيحيه من قرية تدعى حجازه مركز قوص محافظة قنا .. وفى نفس العام
قتلت موظفه مسيحيه وشاب مسيحى اسمه ممدوح حنا النمر فى وضح النهار ووسط
الناس واغتيل الشماس ثابت يوسف اسحق بعد تهديده . وفى 2008 هجوم مسلح على
رهبان عزل تركوا العالم ليتعبدوا الى الله وضربهم وقتلهم واجبارهم على البص
على المقدسات المسيحيه فى دير ابو فانا مركز ملوى محافظة المنيا .. واخر
حدث فى عهد حسنى هو حادث كنيسة القديسين الذى تقشعر له الابدان ويشيب له
الولدان وتهتز له القلوب الصخريه وتذوب له القلوب اللحميه وتتشتت له العقول
الادميه ... وغيره .. وغيره .. وغيره .. وغيره يا باشا انا هحسبلك ايه ولا
ايه ولا ايه

الرئيس : يااااااااااااه يا ابوووووووى ده انا تعبت اوى من كل اللى سمعتهولى ده ..

المتصل
: ده جزء صغير اوى يا باشا من مسلسل ( مأساة المسيحيين بمصر ) لما انت
تعبت امال المسيحيين يعملوا ايه يا سيادة الرئيس القادم ..

الرئيس : هو انت لسه هتقولى عن حوادث تانى كفاية .. كفاية .. كفاية ارجوك ...

المتصل : لا يا باشا انا مش هقولك على حوادث تانى لان حوادث مأساة المسيحيين فى مصر لا تعد ولا تحصى بس عايز اقولك اخر حاجه ..

الرئيس : اتفضل قول .

المتصل
: عايز اقولك ان مازالت عدالة السماء صاحيه لا تغفو ولا تنام ومازال اله
المسيحيين حى لن يموت ولا يكل ولا يعيا واكبر دليل على ذلك هو ما حدث لما
سبقوك . انا قولتلك على اللى حصل للسادات وكمان عايز اقولك ان اللى حصل
لحسنى مبارك اكبر وابشع مما حدث للسادات فهو الان فى سجنه وقد فقد كرامته
ومنصبه وهيبته واصبح لعبة واضحوكه فى يد الكثيرين فهو الان يتمنى الموت
ولكنه لا يجده ويتمنى ان يكون ما حدث للسادات حدث له هو ايضا فكان هذا على
الاقل سيريحه قليلا من الاهانات التى اصابته فى اواخر ايامه .. وليس هو فقط
بل هو وكل الشياطين اللذين كانوا يساعدونه على تخريب وتدمير المسيحيين
وكنيسة المسيح بمصر .. عارف يا باشا ايه ومين اللى عمل كده فى حسنى مبارك
ووصلو للى هو فيه الان ..

الرئيس : طبعا عارف . ثورة 25 يناير المجيده ...

المتصل
: لا يا باشا للاسف حضرتك اخطأت الاجابه فمن كان يتوقع ان رئيس الدوله
الذى كان تهتز له جميع من حوله لمجرد سماع اسمه فهل هذا كان يأثر فيه او
عليه ثورة ؟؟!! كلا والف كلا ولا مليون ثورة زى دى تأثر فيه او عليه وتوصلو
للى هو فيه ...

الرئيس : امال ايه ومين اللى عمل فيه كده ؟؟؟

المتصل
: قلت لك ومازلت وسأظل اقول ان المسيحيين لهم اله عظيم وقوى يستطيع كل شىء
ولا يعثر عليه امر .. لذلك اردت ان احذرك ان لا تسلك الطريق الذى سلكوه
ممن قبلك لئلا يكون مصيرك كما مصيرهم ايضا فأتق الله واياك واولاد المسيح
.. وبكده يا سيادة الرئيس القادم انا تقريبا خلصت كلامى معاك اقدر اقولك
سلام وربنا يعينك على المستقبل ويجعل منك قائدا صالحا ويجعل فى قلبك مخافة
الله .. سلام يا سيادة الريس اتركك فى رعاية الله ..

(
اغلق المتصل سماعة التليفون .. ووقف الرئيس القادم امام التليفون وكأنه فى
غيبوبه وفاقدا للوعى .. وجرت نحوه الست حرمه وابناءه ليستفهمو منه ما حدث
لعل تكون المكالمه من شخصيه هامه وذات اهميه بشئون البلاد ولا يعلمون ان
المكالمه من شخص مسيحى مصرى بسيط جدا ولكنها تحمل نصائح ذات اهميه عظيمه
جدا قد يترتب عليها شئون ومصير الاسره بأكملها اما ان يعيشوا فى مرتبة
عظيمه وكرامة عالية المستوى او اما يكون مصيرهم كمن سبقوهم كـــــ حسنى
مبارك وحرمه الست سوزان ثابت وابناءه علاء وجمال )

ملاحظة بسيطه :

اعزائى
اود ان اعلمكم ان هذه المكالمة لم تتم بالفعل على ارض الواقع بينما هى من
وحى خيالى ولكنى اتمنى بالفعل ان تصل كلماتها الى السيد رئيس مصر القادم
لعل وعسى ان يجعل الله منه رئيسا صالحا ينهض بنا الى اعلى مراتب الكرامه
والديمقراطيه التى نسعى عنها منذ زمن بعيد حتى اصبحت مثل الــــ ( عفاريت )
الكل يتحدث عنها ولكن لا يراها احد .... وشكرااا