ياللى
فى ايديكم مصيرنا اسمعونا ركزوا ويا حبة تفهمونا
صرخة شباب تاية فى غابة انجدونا
يا
كل اب وام خادم ارشدونا
لية بخوفكم تسجنونا وبايدكم تكتفونا
ومن حنانكم تحرمونا محتاجينكم صدقونا
بتقولولنا حياتكم فاضية واهتمامكم بالقشور
ماحنا عايشين وسط دنيا اتنست فيها الجذور
والفضايل تتدفن جوة القبور
مش محتاجين كلمة شكر محتاجين راى يورينا النور
محتاجين تعليم بحكمة مش اوامر مش جسور
من زمان والقدوة غايبة طب نقلد مين فى دول
اب حاكم وام نايمة والتليفزيون شغال على طول
والحوار بقي عملة نادرة ومشاكلنا ملهاش حلول
والكنيسة مش كفاية لو بيتنا فى وشنا مقفول
محتاجين خدامنا قدوة مش اساتذة فى فصول
محتاجين كلام يلمس القلوب مع العقول
عاوزين رايكم بقى فى مشاركات ياريت يكون منكم حتى فضول
مش عاوزين ميرسي عاوزين راى يهزنا ويمنعنا من الفتور
ياريت نلاقى حل من ضمن كل الحلول