Admin مؤسس الموقع خادم الكل
عدد المساهمات : 914 نقاط : 1881 تاريخ التسجيل : 08/05/2012 العمر : 52 الموقع : رابطة اقباط الصعيد
| موضوع: يبقي انت اكيد في جامعات مصر الأربعاء يونيو 19, 2013 2:51 am | |
| يــبقى انــت اكــيد فــى جــامعه مصر لما تيجي بعد ميعاد المحاضره ب 5 دقايق و الدكتور ما يدخلكش المحاضره في حين ان الدكتور ممكن يجي بعد ميعاد المحاضره بساعه ويدخل يدي المحاضره عادي ... يبقي انت اكيد في جامعه مصريه لما الدكتور يقول كله يقفل تليفونه واللي تليفونه هيرن هيطلع بره في حين ان الدكتور ممكن تليفونه يرن بنغمه العنب لو الدكتور بكرش وبيحب الاكل أو بنغمه الدنيا زي المرجيحه لو الدكتور قرفان وزعلان شويه يا حبه عيني يبقي انت اكيد في جامعه مصريه لما الدكتور هو اللي بيحدد المنهج وهو اللي بيعمل المحاضرات وهو اللي بيعمل الكتب وهو اللي بيعمل الملازم وهو اللي بيظبط الغياب وهو اللي بيحط الامتحان وهو اللي بيصحح الورق ده كمان الدكتور عنده جناحات وبيطير يبقي انت اكيد في جامعه مصريه لما تفضل طول السنه تذاكر وتدح ويجي الدكتور في الاخر يقولك ذاكروا اول 50 صفحه والباقي ملغي يبقي انت اكيد في جامعه مصريه لما تبقي في كليه تجاره ويجيلك امتحان من كليه زراعه بالغلط و تنجح و تجيب امتياز ,, ما تعرفش ازاي ؟؟ يبقي انت اكيد في جامعه مصريه لما تبقي في لجنه امتحان وحد يتمسك وهو بيغش و الدكتور يقولك هات الواد ده خليه يقعد قدام و يخليه يكمل الامتحان عادي يبقي انت اكيد في جامعه مصريه لما الامن بتاع الجامعه لما يلاقي ولد راكب تاكسي ,, يبقي ممنوع دخول التاكسي الجامعه في حين ان لو بنت راكبه التاكسي ,, يبقي اتفضلي يا موزه ولو دكتور راكب التاكسي ,,يبقي اتفضل يا باشا يبقي انت اكيد في جامعه مصريه لما الامن لازم يشوف كارنيه كل ولد عشان يدخل ,, علي اساس ان الواحد بيحب الجامعه اوي هيروح يتلزق فيها في حين ان اي بنت ,, اتفضلي يا موزه ,, انتي لوحدك كارنيه يبقي انت اكيد في جامعه مصريه
لما تحل في ماده كويس اوي وتلاقي نفسك شايلها و تعُك في ماده وتلاقي نفسك جايب تقدير يبقي انت اكيد في جامعه مصريه
لما تلاقي ولد عايز يفتح حوار مع بنت يقولها ممكن كشكول المحاضرات بتاعك ؟؟ يبقي انت اكيد في جامعه مصريه لما تلاقي الدكتور رئيس القسم و ابنه دكتور معاه في القسم و ابن اخوه دكتور بردو في القسم و بنت اخته دكتوره معاهم في القسم و العيله واخده القسم ايجار جديد يبقي انت اكيد في جامعه مصريه لما تلاقي الراجل بتاع شئون الطلبه بيتكلم كأنه عميد الكليه يبقي انت اكيد في جامعه مصريه
لما تلاقي كليات طب واسنان وصيدله وهندسه متعقدين يبقي انت اكيد في جامعه مصريه لما تلاقوني في كليه وانــــجح رغم اني لا أفقه شيئ فى اى مادة
يــبقى انـــت اكــيد فى جــامعه مــصريه
مصر | |
|